Friday, August 16, 2013

Bendean, Mhaka Lojentlo Salvar Kelo Tedna

PRESENTS
<Right click -> Save as> to download
star_tip_hat_md_wht.gif!AITARACHEO KATKUTLEO
Lapitt 

Bendean, Mhaka Lojentlo Salvar Kelo Tedna
 
 Tore torecheo bhajipalo ani jinsam bhasanchi torkari amche kuddichi bholaiki gottmutt samballta. Veg-vegllea bhajipalo ani torkarinim jinosvar vitamins amkam mellta. Dor ek bhajipalo ani torkari veg-veglea duensank niontronar vo kantrollar dovorta. Ani tatuntlo bendo amchea bholaikecher boro porinam korta.
Rogtantlea sakrecher tabo dovorpak bendo ekdom boro. Kuddint chodd kolostrol thambovpak favo titlo bendo khailear kallzacher atak unno promonnan zata. Ulsar (ulcer) diabete bendo khatrun udoita. Dekun, amchea randche khuddant vo kuznant sungttachi koddi, bendo mast korta.
1986 vorsant bendean ekdom tokli vhoir kaddloli. Bendeanchi kimot mollbak tenkloli. Tea vorsak khub marrekar bholatkar korpi ani kirmidor Charles Sobhraj-k Porvorim O Conqueiro khannavolint Inspektor Madhukar Zende-n ott’tok kel’lo. Ani bazarant torkari vikpi Inspektor Bende oxem novem nanv bendeank divn, poixe komovpak lagle.
Gõykaranchea xit-kodi jevnnant halinchea khallar bendo antre porian chodduch disonk lagla. Nusteachi dor vhaddlea hea kharanank lagun nhi punn masam khavun bholaikecher mar bostolean bhajipalo ani torkari Gõykaramni khavpachem dorlam. Punn hevui vostunchi dor mollbak tenklea. Soglea torkari modim bende sovay aslolean, choddso lok bende khata.
Sungttam ghalun bendeachi koddi konna ruchi bhaili? Hanv tor sapuch piso. Zaitea tempan sullsullit bende disle. Sungttam ghalun kodi mast zatli. Bendeank hat ghatlo. Mhaka ek tiddok marta ti, kaim ostoreo sullsullit vo taje bende astatanai thut-thut-thut korit bendeanche dhent moddtat ani thoddim asat tim tornne vo zhunele bende hatachi nakchi laun polletat. Ani tea disa supermarket-an hanv bende vichtana, torkari khavpin hench kortalim.
Sungttam kodecho gost jiber haddit-haddit hanv bende vinchtalom. Konnem eklean mhojea dhavea bhuzar hat marlo. Mhoji tokli volun hat martoleak pollelo. Mhozo lagsorlo ixtt.
“Kitem re…bende vorunk aila?”
“Mhontlem, aiz bende ghalun sungttachi koddi korunk sangop”
“Punn, kitle mharog zaleat?”
“Atam sovay kitem asa baba…..?”, mhojea ixttak mhargayecho ujeachi khobor sangunk vetana konnem ek ostoren mhojea uzvea buzar hat laun, luhan mhontlem.
“Excuse me sir”, konn ek Kerelkarnn zaunk zai ti
“Yes”
“My finger…..”,
“Good good, fresh ladies finger”, bende taze asat mhunn tika sanglem.
“No, no sir….you are pressing my fingers…..”
Ixttache vattentlean tokli gundaili ani sokol nodor marlear ladies finger tospachea zagear hanv lady fingers chiddtalom. 
Mhoji chuk magli. Tim somzoli.
Lino B. Dourado
 
<Right click -> Save as> to download star_tip_hat_md_wht.gif!
    Lapitt
 http://aitaracheokaskuleo.blogspot.com/

No comments:

About Me

My photo
Goa/India, Hawalli/Kuwait, Kuwait
A big e-welcome to you. Tumcam Maie-mogacho ieukar. Enjoy Life - This is not a rehearsal! Konkani uloi, boroi, vach ani samball - sodankal. Hich Goenchi osmitai ani amchem khalxelponn. Goenchi amchi Konkani bhas! Ekvottachem saddon Goenkaranchem. This is Gaspar Almeida from Parra, Bardez, Goa, based in Kuwait and am connected with the www.goa-world.com website created by Ulysses Menezes, and as Moderator of the famous first of its kind Gulf-Goans e-Newsletter (since 1994) and The Goan Forum and several Goan and Indian associations and forums and e-forums in Goa, India, Kuwait, The Middle East and worldwide.