Chamtto, Imtto ani Bamtto
- Jose Salvador Fernandes
Dispottim jivitak mullacheo (basic) vostuncho vapor korinastana
fokot duddu-girestkai ektthaitolea mon’xank Chamtto, Imtto kivam Bamtto
mhonntat. Punn samballun khorch korun jiyepi mon’xak khoinchai nodren kanjus
mhonnonk zaina. Duddvancho khorch kortana to sodanch faido zata tea dixen
polleta ani duddvancho khorch tanki pormonnem korta. Punn kanjus monis, poixe
asonui, apnnalea dispottea jivak unnem korun dis sarta. Taka fokot ektthailolea
poixancho dhall, vhoir vhoir sorlolo zai asta.
Samballun khorch kortolo monis keddnanch mhargelo
vostuncho vapor korina kivam viktteo ghena. Dispottim zai asloleo vostu bolsak
purvotta tea toren to gheta. Dispottim khadd kaddpak shaving cream samballun
vapurta zalear, dant limpar dovorunk mhargeli toothpaste vaprina. Punn chamtto,
imtto ani bamtto monis, shaving cream-incho vapor ken’nanch korina. Khaddkek
udok laun khadd kaddtta ani dant gansunk, zhaddachea pan nam tor mittacho vapor
korta. Ani thodde zann toothbrush dantancher toothpaste nastana kuchu-kuchu
udkacher dantank tras divn dis sartat ani dantanchi pidda zatoch toch duddu
dantanchea dotorachea hodd’dear ghaltat.
Kanjus monis zata titlo khorch vattavpak yoint korta. To sodanch komi molacheo vostu vapurta. Bazarant thoddea disamni khanna-jevnacheo expired zatoleo vostu, chodduch unnem molant melltat te ghevnk, to poilo ubo zata. Ani teo khatam-khatam kanjusponnan ektthailoli girestkai thoinch soddun, toch ‘expired’ zata. Punn, samballun khorch kortolo monis toso nasta. To sodanch favo tea zagear vo favo tea vostu vikot gheta. Vellantlo vell kaddun hea ani tea bazarant bhonvun, vostunchem mol ani tulna (compare) korun, apnnalea faideak zata titlo korch bhagoita.
Korem mhonllear samballun khorch kortolo monis (frugal living) kanjus mon’xa bhaxen nhoi. To duddvancho axecho nasta. Dispottim jivitak lagtolea vostunk unnav korun chodduch duddu ektthaun dovorpi nhoi. Jivitachi khuxalkai fokot duddu nhoi tea khatir samballun khorch korpi monis imtteaponnam korina.
Chamtto, Imtto ani Bamtto ekuch rongachem. Mhonnchem, tancheo vagnnunk ani sobhav ekuch punn nanvam mat veg-veglim. Chamtteak khub batth-bensam asat. Punn, duddu moddpan Imtteachi mutt sodoll zaina. Bamtto zalear ekdam babod. Tin dis upaxim aslolea bhikarean tachea lagim pottachi bhuk marunk 50 poixe maglear, bhikareak 10 rupia divnk toyar zata. Zori taka 50 poixeanchem jevonn khoim mellta tem kollit kelear.
Te tegui sangattak
dislear bazarant vepar vikpi lok dukanam bond korun poll kaddtta. Chaye dukanar
ek cha ghetole ani vattun tegui piyetole. Duddu farik kortana, vanttekar zaun
zonn ekleak poddtat titlech poixe farik kortole. Ek kellem molaitole. Ani tegui
khattole. Chamtto vichartolo
-Hea kelleache poixe kitle?-Dukandar sangtta. Ek rupia-Imtto vicharta. 60 poixank dina?-60 poixank kelleachi sal melltoli. Dukandar mhonnta
-Toxem tor ghe he 40 poixe. Kellem amkam di ani sal tuka dovor. Bamtto molavnni korta.
-Hea kelleache poixe kitle?-Dukandar sangtta. Ek rupia-Imtto vicharta. 60 poixank dina?-60 poixank kelleachi sal melltoli. Dukandar mhonnta
-Toxem tor ghe he 40 poixe. Kellem amkam di ani sal tuka dovor. Bamtto molavnni korta.
Jose Salvador Fernandes
Sonvar, 25 Mai 2013
Lapitt
No comments:
Post a Comment